جلسة خمرية تكشف حقيقة المناضل المغوار سليمان الريسوني

يبدو أن سليمان الريسوني و حتى المعطي منجب و من على شاكلتهم من مدعين النضال كيعشقوا لعبة التدليس وإخفاء الحقائق، عندهم هواية تسري مسرى الدم .

من بعد سنين ديال البكا و الشكا و العيش في دور الضحية و الإستعطاف، بانت واحد الحقيقة صغيرة بزاف ولكن تأثير ديالها ممكن يوصل لتأثير الفراشة و اكثر، اليوم المعطي منجب نشر على الحساب ديالو صورة توثق لشي زردة غير حلال كيظهر فيها سليمان الريسوني و هوكيضرب فيها الطاسة و كياكل فيها ما لذ و طاب من اللحوم ما عرفتش واش حتى اللحوم النيئة كاينة ولا لا ؟ خصوصا و أن الريسوني كياكل كلشي منقدروش نصفيو النية و نقولو جلسة عادية .

المهم ماشي هادشي علاش بغيت نهضر، المعطي منجب بمجرد ما نشر الصورة عاود مسحها و بدلها بوحدة أخرا حذف منها القرعة ديال النبيذ الأبيض ، علاش مسحها ماعرفناش اللي عرفنا و متأكدين منو هو ان هاد الناس ماعندهم لا مبادئ لا سيدي زكري كيعيشو فالإزدواجية ، قشور الفضيلة فالعلن و الرذائل في السر ، كيبيعو للناس هداك الوجه المثالي المعصوم عن الأخطاء، أو بالأحرى كيمارسو على المجتمع واحد النوع من التقية خوفا على مصالحهم الشخصية ، حيث أكيد لا بانت حقيقتهم للعموم غادي ينحدرو نحو الهاوية .

الطاسة و ما أدراك مالطاسة و تأثير الطاسة، تحريمها ماجاش عبث ولكن حيث هي ام المصائب ومفتاح وتدعو إلى الزنا .. وربما دعت إلى الوقوع على البنت والأخت وذوات المحارم ، وكتتهتك الأستار وكتدل على العورات هذا من غير أنها تهوِّن ارتكاب القبائح والمآثم وتخرج من القلب تعظيم المحارم يعني عادي تخليك تطمع في رجل فحالك او مثلي الجنس، وهنا غادي تكونو فهمتو علاش قلت ليكم تأثير ديك الصورة غيوصل لتأثير الفراشة ماشي غير بينات لينا حقيقة التظليل و التزييف و التحريف لي كيمارسو علينا هاد الرباعة ولكن تحيلنا إلى أن شارب الخمر ممكن يرتكاب شي أفعال يندى لها الجبين بحال مثلا إغتصاب شاب .

المهم ماعلينا، ضرب الطاسة ضرب الخوخ الفريز ماسوقناش، أهم تساؤول عندنا هو علاش منجب جالس يلمع للريسوني صورتو عادي كان ممكن يخليها و يبين لينا ان الريسوني ولا حتى هو معاه عندهم غير وجه واحد علاش كيحاولو يديرو لينا واحد النوع من الماركوتينغ وكيرسخو لصورة المناضل المغوار المنزه عن الأخطاء، علاش ماتكونوش شفافين على الأقل نحتارموكم تقولو عايشين الحياة طولا و عرضا و عندكم مبادئ وكيهمكم المواطن الدرويش وبغيتو تشوفو بلادكم فأحسن الأحوال .

و بالحديث عن الكذب و التزييف و التحريف، عاوتاني زوجة سليمان الريسوني كتماركي هدف عكسي عليهم و كثبت لينا ان البوحدوزية فكرة و الفكرة لا تموت، خلود اليوم نشرت تدوينة فيسبوكية لعبد الكريم الامراني في تضامنه مع زوجها و في نهاية التدوينة كيقتبسوا لينا مقولة لأحمد زكي و اللي كيقول فيها انهم كلهم كذابين و عارفين أننا عارفين أنهم كذابين و مستمرين في الكذب و بيلاقو لي مصدقهم.

خلود مكتلاحظيش ان هاد المقولة كتوصف حالكم، و الدليل هي هاد الصورة لي خرجات لليوم للزوج ديالك وهو كيضرب الطاسة واللي ضرب الطاسة عندو قابلية يضرب أشياء أخرى و بلاما تقولو تشهير و كذب راه كاين أدلة كتبث جريمة راجلك ولو كان وقعات بعدا غير مؤخرا نقولو AI CHAT GPT ونقلبوا معاكم على تخريجة .المهم حضرتي لهاد الجلسة تفاديا لشي فضيحة ثانية يحطك فيها هاد الزغبي لي عندك ولا خليتيه بوحدو ثاني و يصدق مخرج لينا شي ادم جديد.