قراءة ميطافيزيقية في عالم اليوتيوب المغربي حول خلافة الظاهرة المهداوية
دابا ملي غادي يتشد حميد الهداوي في الحبيبيس، ونتمناو ليه ” Bon séjour” تماك، حيت حتى واحد ما ضلمو ولكن جابها في مخو بلسانو وكثرة أنا واعر في القانون، وفي إطار الأقوال المأثورة ديال راجل بشرى ملي قال في واحد اللقاء يوتيوبي آخر مع لحاس قطر مول أصوات المغرب: “أنا استافدت من غياب علي أنوزلا (حتا هو لحاس ديال قطر وتركيا والباقي) في اليوتيوب باش وليت نيميرو واحد”. هنا السؤال لي محيرني شكون غادي يعوض الغياب ديال ولد الخنيشات عن ثرثرة الساحة اليوتيوبية؟
بعيدا عن السي عبد القادر الخراز والمغامرات البوليسية ديالو، واخا بعض المرات تا يجيب لي الله غير تيعاود القصص ديال أشخاص آخرين وتينسبها لراسو (الله يسمح لي على هاد الشك لي فيا). تنعتقد والله أعلم أن حتى واحد ما يقدر يدير الحلقة، بمفهومها اليوتيوبي، بحال السي حميد. المهم، السي الخراز عندو الجمهور ديال وهو بعيد على صراع الخلافة.
كاين واحد خينة جاب واحد الكونسيت سميتو التقلاز من تحت الجلابة، هنا تنهضر على “كلام في السياسة” ديال توفيق بوعشرين لي باغي يصرف حسابو مع الدولة وكأنها ضلماتو ملي ضرباتو بـ 15 ديال الحبس، قبل ما استفادتو من العفو المكلي، وبارك تيغيز للدولة والمؤسسات ديالها غير الفن، حگا والواد وليت موحلل سياسي، وتندير القراءة ديال أشنو كاين وأشنو غادي يوقع، داك الشي ديال الشوفات. المهم هادا موحال يقدر يسد الفراغ ديال خوتي المغاربة علاش أنا متابع بالقانون الجنائي وليس قانون الصحافة…
هناك أيضا واحد آخر معروف حتى هو بالتقلاز من تحت الجلابة، سميتو رضا الطاوجني، وحتى هو حاقد على المؤسسة الأمنية وخا تيضل يشكر فيها. والسؤال ديال علاش حاقد، حيت حتا هو دوز الحبس، والعبارة الشهيرة “حتى أنا ضلموني، وأنا غير مونتقد وأمارس حرية التعبير…
الموهيم، حتا هادا ما عندوش المؤهلات الكلامية باش يعوض ولد الخنيشات العظيم في مجال التبوحيط اليوتيوبي، حيت هو حاضي غير الأمن مزيان ولكن عندنا بؤرة خايبة في أگادير والبوليس ما دايرش خدمتو، وخاصنا كوميسارية حدا البحر، وعلاش “Les maîtres nageurs” تيشدو 2500 درهم والوالي ديال أگادير تيشد 50 ألف جنيه إسترليني، وخاص الوطيلات والشركات يديرو دارت باش نوليو نخلصو “Les maîtres nageurs بـ 80 ألف ريال سعودي في السيمانة…
دابا وصلت لقيدوم الصوحافيين الإستقصائيين، علي المرابط، العاطل عن العمل مند مدة طويلة ولا مقابل غير المش ديالو الحاج طوفول والسكوبات الحامضين في اليوتيوب. هادا بالضبط ما كرهش يكون هو الخليفة ديال راجل بشرى ولكن الله غالب، مسكين تلات به الوقت في اليوتيوب لدرجة القضية ناشفة عندو ووصل لدرجة دار الصينية باش المتابعين يتعاونو معاه باش يشري ميكرو جديد، الساعة يجمع غير سطاشرمية دريال.
هاد الصوحافي، حتا هو حاقد على البلاد حيت حتا هو مدوز الحبس، تيحاول يلقى ليه بلاصة في اليوتيوب ولكن تتخونو الذاكرة وفيه شلا كذوب ، وتيعتاقد أنو عندو مصادر متقوبة، عفوا موتوقة، وهو عندو غير جبهة صحيحة وداك الشي تيخليه خارج السباق.
كاين الكوبل فيلالي، دنيا وعدنان، هادو خارج سباق الخلافة أصلا، حيت مستواهم على قد الحال، مي يقدرو ينجحو في داك الشي ديال البورنوغرافية، حيت تيفهو فيها…
جا الدور على الإرهابي محمد حاجب، هادا عزيز عليه داك الشي ديال الخلافة وفيلم الرسالة والمسيح الدجال والسواك ونواقض الوضوء وعطيوني تعويض على سنوات السجن. المهم، هاد الإرهابي الخلافة الوحيدة لي يقدر يوصل ليها هي قراءة شي تدوينة فيسبوكية تيهضرو فيها على الخلافاء الراشدين، وأصلا ما يقدر يدخل للسباق ويجري مزيان حيت تيلبس اللباس الأفغاني وهادا يمنع من الحركة.
كاين واحد اليتيم مسكين سميتو زكرياء المومني، الحلم ديالو يشد 5 المليار من عند الدولة المغربية باش ما يبقاش “يعطيها” باش يدخل الفلوس… هاد الحباس السابق أصلا دخل للسباق خاسر بـ 1 لزيرو ولا يصلح للخلافة.
وممكن نهضرو حتا على هشام هراندو، هادا ما مسالي لشي خلافة، حيت مشغول تيغسل في المواعن والطباسل وعندو غير مع مهاجمة المؤسسات الأمنية والسبان وتخصار الهضرة، وتيتفرج الأفلام ديال بابلو إسكوبار باش يقتابس منها شي لعيبات ويدير فيديوهات على عمليات تهريب الموخدرات في المغرب. حتا هادا النصاب خارج سباق الخلافة.
الموهيم، أنا تنقتارح أن ختي بشرى مرات سيدي حميد لي تهز المشعل ديال الخلافة وتولي دير لينا دور اللعيبات ديال روتيني اليومي…بربي تتجيب مشاهدات أكثر من سيدي حميد.
