جيراندو وسياسة شتي الفيديو هو هداك، ما شتيهش داك الشي لي بغينا

الحباس والسرباي هشام جيراندو لاح في القناة ديالو باليوتيوب “تعدي”، في أولى ساعات اليوم الجمعة 22 غشت 2025، فيديو سماه “مقابلتي لمستشار الملك فؤاد عالي الهمة (الجزء الثاني)”، وقبل الدخول في التفاصيل، نفكركم أنو مسح الجزء الأول من قناتو، يعني شتيه هو هداك، ما شتيهش داك الشي لي بغينا.

دابا غير تخيلو معايا، أول حاجة يگول رجل دولة، في شخص المستشار الملكي فؤاد عالي الهمة خلال لقاءو المفترض مع هشام هراندو : “تحياتي للمعتقليين السياسيين في المغرب… وبدينا تنضحكو”… را حنا لي تنضحكو عليك أ مسكين.

والهمة گال لهراندو “أنو متبع منصة تعدي”، وأصلا المنصة باقة ما بلغاتش، يعني نتاقلات من كيف تنجح في حياتك، إلى موحاربة الحشيش والرماد في ظرف وجيز.

وگال لينا هراندو أن الهمة “ما عندو مشكل تهضر على أي واحد، حيت حتى واحد ما تيهمو… ما عدا تفادي الرمز ديال البلاد (في إشارة لجلالة الملك)”…

وفعلا داك الشي لي خلاك تسب المؤسسة الملكية والملك، وحتى فؤاد عالي الهمة نفسه لم يسلم من سلاطة لسانك، بل وأنك في تقديمك لهذا الجزء، تحمله مسؤولية اعتقالك، لي كانت بسبب تشهيرك لا بسبب الهمة.

وضاف أن السي الهمة “سولني، گال لي أشنو بغيتي؟”.

گلت ليه : “ما باغي نكون نائب برلماني، لا سفير، لا وزير، گلت ليه باغي فقط تقادو الملف ديال المعتقلين السياسيين”. فعلا محب للخير وداك الشي علاش صيفطتي أقرب الأقربين إلى الحبس.

وسولني على “تعدي”، گلت لو “راها غادا تستمر في نفس الخط التحريري وگال أي مساعدة للمنصة مرحبا بها، أما أنا فلا أحتاج لأي مساعدة”.

داكشي علاش كنتي تتنصب وخدام بدراعك تتجفف ف الريسطو ديال المدام وتتغسل في الطباسل والكيسان، يعني العائدات كافينك… يا سلام

في المرة الثانية، گال هراندو “واخا كنت مضروب في الموليا بعد واحد الماتش ديال الكووورة، مشيت تلاقيت مع الهمة”، وخلال هاد اللقاء “هضرنا على حركة مغرب الغد”.

أه نفس الحركة لي مؤسسها مصطفي عزيز فرش الخطة ديال رباعة النصابة لي من ضمنهم المهدي الحجاوي

وگال لينا أن الهمة “طرح عليه تحويل الحركة إلى حزب”، وكان رد هراندو “أنا ضد أي ترشح مستقبلا ولم أكن أرغب في أي منصب”. زعما لى قتارحو عليا منصب وزير التشلهيب والنصب، ما غديش نقبلو، لأني نصاب بالفطرة.

أصلا هراندو “باغي يبقى فقط مراقب لأن هناك من أكفئ منه”. هادي أول حاجة صادقة گالها هشام خلال الفيديو

 وختمها بــــ”هادا هو اللقاء ديالي مع عالي الهمة، أو الشبيه ديال فؤاد عالي الهمة، أو الممثل ديال فؤاد الهمة، أو الفوطوكوبي ديال فؤاد عالي الهمة… هادي كلها حاجات ما تتهمناش. شكون لي جا؟ وأشنو الدور ديالو؟ وعلاش الدولة سمحات لواحد لي تتگول الصحافة المغربية انو ماشي هو لي تلقاني… هاد الشيك لو لا يهني. أنا فقط وضحت ليكم اللقاء كيفاش داز… هادي حلقة ستبقى للتاريخ”.

المهم تلاقيت مع إنسان أنا باغي نردو صحة الهمة، ولي ما عجبو حال شغلو هداك.

طبعا، هراندو لم يذكر أي من تواريخ اللقاءات، أكيد لأنها غير موجودة، فقط قال أن النصاب المهدي الحجاوي كان معهم، وحارس “Suite” في الفندق بإسبانيا كان فرنسيا.

خلاصة القول، حتى الفيديو سماه “مقابلتي لمستشار الملك فؤاد على الهمة )الجزء الثاني(” مسحو من القناة ديالو، يعني شتي الفيديو مزيان، ما شتيهش داك الشي لي بغا هراندو.